მონაცემთა ინჟინერია არის ფუნდამენტი, რომელზეც თანამედროვე Data ეკოსისტემა დგას. თავისი არსით, მონაცემთა ინჟინერიის მიზანია ისეთი სისტემებისა და ინფრასტრუქტურის დიზაინის შემუშავება და დაპროექტება, რომელიც ავტომატურ რეჟიმში შეაგროვებს, შეინახავს და გააანალიზებს მათ. უპირველეს ყოვლისა, მონაცემთა ინჟინერიის მიზანია, შეიმუშავოს ისეთი მეთოდოლოგიები და ხელსაწყოები, რომელიც პროცესების მაქსიმალურ სრულყოფილებას, ინფორმაციის მდგრადობასა და სანდოობას უზრუნველყოფს.
ფუნდამენტურ ცნებებსა და კონცეფციებთან ერთად, კურსის ფარგლებში სტუდენტები შეისწავლიან მონაცემთა ინჟინერიისთვის ისეთი საკვანძო ტექნოლოგიებისა და ხელსაწყოების გამოყენებას, როგორებიცაა Apache Airflow, Apache Kafka, მონაცემთა დროებითი და მდგრადი სანახი სისტემები (SQL, PostgreSQL, Redis), მონაცემებისთვის ვებ სერვისების დაპროექტება (FastAPI) და Python-ის სხვადასხვა ბიბლიოთეკა. გაიაზრებენ, თუ როგორ ურთიერთქმედებენ ერთმანეთში სხვადასხვა ტექნოლოგია/ხელსაწყოები და როგორ გვეხმარება თეორიული კონცეფტები პრაქტიკის სრულყოფაში.
კურსის გავლის შემდეგ შეგეძლება
Python-ის გამოყენება მონაცემთა ტრანსფორმაციისთვისა და მანიპულაციისთვის;
Python-ის მონაცემთა ინჟინერიისა და მონაცემთა ბაზების ბიბლიოთეკების პრაქტიკული გამოყენება;
მაღალი წარმადობისა და მდგრადობის პროექტების არქიტექტურული დიზაინის დაპროექტება;
მაღალი წარმადობის ვებ სერვისების გამართვა (FastAPI) და დაპროექტება;
მონაცემთა მდგრადობისა და ხარისხის უზრუნველყოფა;
ETL და ELT პროცესების დიფერენციაცია და იმპლემენტაცია სხვადასხვა Data პროექტში;
მონაცემთა ტრანსფორმაციის პროცესების გამართვა, ორკესტრაცია, დაპროექტება და ანალიზი;
მონაცემთა დროებით და მდგრად სანახ სისტემებთან მუშაობა (Redis and postgres);
მონაცემთა ნაკადების ორკესტრაციისა და დაპროექტების სისტემა, Apache Airflow-ს პრაქტიკული გამოყენება;
პრაქტიკული მუშაობის უნარი Data Stream-ებსა და Message Broker-ებთან;
მონაცემთა შორის დამოკიდებულებებისა და კავშირების ანალიზი/დაპროექტება;
მონაცემთა სხვადასხვა შენახვის კონცეფციების პრინციპების გააზრება და მათთან მუშაობა (Data Warehousing, Data Marting)
ვისთვის არის კურსი
კურსი განკუთვნილია მათთვის, ვისაც უკვე შესწავლილი აქვს პროგრამირების ენა Python და სურს, თავისი წვლილი შეიტანოს ინფორმაციის მოპოვების, დამუშავებისა და შენახვის პროცესებში. გარდა ამისა, აქვს ანალიტიკური და დეტალებზე ორიენტირებული აზროვნება, კარგად იცის ინგლისური ენა და სურვილი აქვს, შეისწავლოს მონაცემთა ინჟინერია, მასთან დაკავშირებული კონცეფციები, პრაქტიკული ხელსაწყოები და ტექნოლოგიები.
კურსის განმავლობაში სტუდენტმა უნდა უზრუნველყოს წვდომა PyCharm Pro-ზე.
კურსი მოიცავს
კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.
პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.
კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.
კურსს გაუძღვება:
გუჯა ლომსაძე
გუჯას 5+ წლიანი გამოცდილება აქვს მონაცემთა ინჟინერიისა და ანალიტიკის სფეროში ლიდერულ პოზიციაზე. ამჟამად EPAM Global-ში Senior Data Engineer-ის პოზიციას იკავებს და ასევე არის მონაცემთა ინჟინერიის გუნდის ხელმძღვანელი მსოფლიოს წამყვან ფარმაცევტულ კომპანიაში სამეცნიერო კვლევებისა და გადაწყვეტების დეპარტამენტში. ამასთან, სწავლობს გერმანიაში – Constructor University-ში, მონაცემთა ინჟინერიისა ანალიტიკის სამაგისტრო პროგრამაზე. იგი არის საერთაშორისოდ სერტიფიცირებული მონაცემთა ინჟინერი შემდეგი მიმართულებებით: AWS Certified Data Analyst, AWS Certified Cloud Data Engineer და Google Cloud Platform (Professional Data Engineer). გუჯას აქვს მრავალი კონტრიბუცია გავრცელებულ ტექნოლოგიებსა და მონაცემთა ინჟინერიის ისეთ ბიბლიოთეკებში, როგორებიცაა Apache Airflow, Kafka, Pandas, NumPy, JIT, Numba, FastAPI და Anndata. სხვადასხვა დროს იყო Google Developer Student Club-ის ლიდი, სტარტაპ Radix-ის დამფუძნებელი და საქართველოს ინოვაციებისა და ტექნოლოგიების სააგენტოს გრანტის მფლობელი. გუჯა არის Massachusetts Institute of Technology Global Startup Labs Program-ის ბენეფიციარი.
შეფასებები ჯერ არ არის.