Sense of Illustration

დიზაინის სფეროში ნიჭი და კრეატიული უნარები დღეს საკმარისი აღარ არის ფრილანს კარიერის დასაწყებად ან/და განსავითარებლად. რეალურად დაბრკოლებები მაშინ იწყება, როცა თითქოს ყველა საჭირო ტექნიკური უნარი გაქვს, მაგრამ არ იცი, როგორ შეადგინო ბიუჯეტი და თაიმლაინი, ააწყო პორტფოლიო, გქონდეს ინდივიდუალური ნიშა და რაც მთავარია, შეძლო ბაზარზე საკუთარი თავის სწორად პოზიციონირება. კონკურენცია ძალიან მაღალია, დამოუკიდებლად მუშაობა კი კიდევ უფრო რთული. ამ პირობებში საკმაოდ ბუნდოვანია ილუსტრატორის ანაზღაურების შესახებ ინფორმაციაც. Sense of (Freelance) Illustration-ის ქრეშ-კურსიც სწორედ ამ გამოწვევების დაძლევისთვის საჭირო გზამკვლევია, რომელიც წლების განმავლობაში მიღებულ ანანოს პირად გამოცდილებას ეფუძნება.

კურსის ფარგლებში მონაწილეები გაივლიან ილუსტრაციის შექმნის სრულ ციკლს – ინსპირაციის პოვნის, ბრიფის ანალიზის, სკეჩების დახატვისა და დახვეწის ჩათვლით. რაც მთავარია, შეეძლებათ ბრიფზე დაყრდნობით იმუშაონ პროექტზე/სავარჯიშოებზე, რომლის პრაქტიკაში დანერგვაც დაეხმარებათ გადალახონ ცარიელი ფურცლის შიში.

კურსს ფრილანს ილუსტრატორი, ანანო მიმინოშვილი გაუძღვება. მისი პორტფოლიო 200-მდე ფრილანს პროექტს და ისეთ კლიენტებს მოიცავს, როგორებიც არიან: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა.

შეხვედრებს უმასპინძლებს სასტუმრო Stamba.

კურსი განკუთვნილია მათთვის, ვისაც აქვს მინიმალური გამოცდილება დიზაინის ან/და ილუსტრაციის მიმართულებით და სურს ახალი ტექნიკების აღმოჩენა, უნარების განვითარება, ინდუსტრიაზე და Freelancing-ზე მეტი ინფორმაციის მიღება. ასევე მათთვის, ვისაც სჭირდება გამბედაობის მოკრება ახალი ნაბიჯის გადასადგმელად ამ სფეროში.

კურსს გაუძღვება

ანანო მიმინოშვილი

კურსი მოიცავს პრაქტიკაზე დაფუძნებულ სწავლებას და ილუსტრაციის შექმნის სრულ ციკლს ბრიფზე დაყრდნობით.

პროგრამის წარმატებით დასრულების შემთხვევაში სტუდენტს ექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის დასრულების შემდეგ სტუდენტი მიიღებს ორენოვან სერტიფიკატს.