ჯანსაღი კვება და ჩვევები თეორიიდან პრაქტიკამდე

სემინარი – ჯანსაღი კვება და ჩვევები თეორიიდან პრაქტიკამდე

ყველა ადამიანს სურს იყოს ჯანმრთელი.  ჯანმრთლობაზე, კი უდიდეს ზეგავლენას ახდენს ჯანსაღი კვება, ფიზიკური აქტივობა, ხარისხიანი ძილი და სტრესის მართვა. დღევანდელ რეალობაში ჯანმრთელობის გასაუმჯობესებლად, ინფორმაციის ნაკლებობა ნამდვილად აღარაა პრობლემა, მაგრამ პრობლემად რჩება სანდო, მარტივად გასაგები და პრაქტიკაში აპრობირებული ინფორმაცია.

2 საათიან სემინარზე განხილული იქნება ჯანსაღი კვების ძირითადი კომპონენტები, როგორც უშუალოდ საკვები და საკვების კატეგორიები, ისე ჩვევები.  მათი ერთობლიობა კი უზრუნველყოფს ადამიანის ჯანმრთელობის გაუმჯობესებას და შენარჩუნებას გრძელვადიანად.

სემინარზე ვერ მოისმენთ ისეთ ასპექტებს რომლებიც მხოლოდ თეორიაა, ყველაფერი აპრობირებულია პრაქტიკაში და რაც მთავარია მარტივია.

ვისთვის არის ტრეინინგი:

ვისაც სურს შეცვალოს საკვების მიმართ დამოკიდებულება, არ აქვს დრო და ბოლომდე ვერ ხვდება რა უნდა გააკეთოს, რომ ერთხელ და სამუდამოდ გადაჭრას კვებასთან დაკავშირებული პრობლემები. ხოლო მათთვის ვისაც დრო აქვს, ეს ყველაფერი კიდევ უფრო მარტივი იქნება.

სემინარს გაუძღვება სანდრო ნოზაძე.

სანდრო ნოზაძე  კანადური აკადემია Precision Nutrition-ის მიერ სერთიფიცირებული ნუტრიციის ქოუჩია. სანდრო  ჩვევებზე დაფუძნებული ნუტრიციული ინტერვენციებით ეხმარება ადამიანებს მიაღწიონ თავიანთ მიზნებს, იქნება ეს წონის კლება, მატება, თუ ზოგადი ჯანმრთელობის გაუმჯობესება.  კვებასთან ერთად, მის პრაქტიკაში განსაკუთრებული აქცენტი კეთდება ძილის, მოძრაობის და სტრესის მართვის კომპონენტებზე.

სანდრო მუშაობს როგორც ინდივიდუალურად, ისე  ჯგუფურად. ატარებს ტრეინინგებს კორპორაციებში, სპორტულ გუნდებში და საგანმანათლებლო უწყებებში.

სემინარი ჩატარდება 28 მარტს, 20:00 – 22:00 საათზე.